عراق میں پھنسے 250 سے زائد پاکستانی وطن واپس پہنچ گئے
پاکستان انٹرنیشنل ایئر لائن (پی آئی اے)کا خصوصی طیارہ عراق میں پھنسے پاکستانیوں کولے کر وطن پہنچ گیا ۔پی آئی اے کی پرواز پی کے 710 کے ذریعے 250 سے زائد مسافر اسلام آباد ایئرپورٹ پہنچے۔ مسافر آئل اینڈ گیس سیکٹر میں ملازمت کرتے تھے اور کئی ماہ سے عراق میں پھنسے تھے۔مسافروں کی طبی جانچ اور اسکریننگ کے بعد انہیں سوہاوہ اور جہلم کے قرنطینہ مراکز میں منتقل کر دیا گیا ۔ گزشتہ روز پاکستان انٹرنیشنل ایئر لائن(پی آئی اے)کی خصوصی پرواز قطر میں پھنسے پاکستانیوں کو لے کر پشاور پہنچی تھی۔پی آئی اے کے خصوصی طیارے میں 237 پاکستانی وطن پہنچ گئے، انتظامیہ نے تمام مسافروں کو ابتدائی اسکریننگ کے بعد قرنطینہ منتقل کردیا۔
