کیتھولک عیسائیوں کے نئے روحانی پیشوا پوپ لیو کی حلف برداری، وزیراعظم کو دعوت نامہ وصول

 کیتھولک عیسائیوں کے نئے روحانی پیشوا پوپ لیو کی تقریب حلف برداری کیلئے وزیراعظم شہباز شریف کو دعوت نامہ وصول ہوگیا۔ وزیراعظم شہباز شریف نے وزیر مملکت برائے مذہبی امور کھئیل داس کوہستانی اور وزیر اقلیتی امور پنجاب رمیش سنگھ اروڑا کو حلف برداری تقریب میں شرکت کیلئے نامزد کردیا۔ وزارت مذہبی امور کا کہنا ہے کہ کھئیل داس کوہستانی اور رمیش سنگھ اروڑا ویٹی کن سٹی میں پوپ لیو کی تقریب حلف برداری میں شرکت کریں گے، کھئیل داس کوہستانی اور رمیش سنگھ اروڑا تقریب حلف برداری میں پاکستان کی نمائندگی کرینگے۔ وزارت مذہبی امور کے مطابق وزیر مملکت کھئیل داس کوہستانی اور وزیر اقلیتی امور پنجاب رمیش سنگھ اروڑا آج ویٹی کن سٹی روانہ ہونگے۔ واضح رہے کہ پوپ لیو کی تقریب حلف برداری 18 مئی کو ویٹی کن سٹی میں ہوگی، پوپ لیو دنیا بھر کے کیتھولک مسیحیوں کے سربراہ بننے والے 267 پوپ ہیں۔