آئندہ چوبیس گھنٹوں کے دوران ملک کے بیشترعلاقوں میں موسم خشک رہے گا تاہم کشمیر میں چند ایک مقامات پر ہلکی بارش اور برفباری کا امکان ہے۔
محکمہ موسمیات نے اگلے چند روز کے دوران ملک کے بیشتر علاقوں میں اگلے چند روز کے دوران موسم خشک رہنے کی پیش گوئی کی ہے جبکہ پنجاب اور خیبر پختونخوا کے میدانی علاقے دھند کی لپیٹ میں رہیں گے۔گزشتہ چوبیس گھنٹوں کے دوران شمال مشرقی پنجاب، کشمیر اور گلگت بلتستان میں بعض مقامات پر بارش اور پہاڑوں پر ہلکی برفباری ہوئی جبکہ ملک کے دیگر علاقوں میں موسم خشک اور سرد رہا۔ سب سے زیادہ بارش راولاکوٹ میں پندرہ ملی میٹر ریکارڈ کی گئی۔ آج ملک میں کم سے کم درجہ حرارت پاراچنار اور کالام میں منفی تیرہ ڈگری سینٹی گریڈرہا جبکہ قلات منفی دس، گوپس منفی آٹھ، ہنزہ منفی چھ، اسلام آباد دو، لاہور، ملتان اور فیصل آباد میں چار، کوئٹہ منفی سات، گلگت منفی چار، مری منفی چھ، مظفرآباد اور پشاور ایک اور کراچی میں نو ڈگری سینٹی گریڈ ریکارڈ کیا گیا۔
