وزیراعظم راجا پرویز اشرف کی زیرصدارت اتحادی جماعتوں کااجلاس آج ہوگا. جس میں لانگ مارچ سے پیدا ہونے والی صورتحال اور سپریم کورٹ کے فیصلے پر غور کیا جائے گا۔
حکمران اتحاد کا اجلاس ایوان وزیراعظم میں ہوگا. اے این پی ،مسلم لیگ ق، ایم کیو ایم، فاٹا کے رہنما حکمران اتحاد کے چیف وہیپ سید خورشید شاہ، وزیر اطلاعات قمر زمان کائرہ اور پیپلز پارٹی کے دیگرسینئر ارکان شریک ہوں گے۔ وزیر اعظم راجہ پرویز اشرف کی زیر صدارت اجلاس میں نگران حکومت، اورعام انتخابات کے اعلان کے بارے میں اہم معاملات پر مشاورت کی جائے گی۔ ملک کی سیاسی صورتحال اورلانگ مارچ کے نتیجہ میں پیدا شدہ حالات پر بھی تبادلہ خیال ہو گا۔
