وزیراعظم آج ہری پور میں پاکستان ڈیجیٹل سٹی اسپیشل ٹیکنالوجی زون کا افتتاح کریں گے
وزیراعظم عمران خان آج ہری پور میں پاکستان ڈیجیٹل سٹی اسپیشل ٹیکنالوجی زون کا افتتاح کریں گے۔میڈیا کے مطابق صوبائی وزیر عاطف خان نے کہا ہے کہ وزیراعظم آج پاکستان ڈیجیٹل سٹی اسپیشل ٹیکنالوجی زون کاافتتاح کریں گے، ہری پور میں پاکستان ڈیجیٹل سٹی پر1ارب31کروڑ لاگت آئے گی۔انہوں نے کہا کہ پاکستان ڈیجیٹل سٹی86کنال اراضی پر تعمیر کیا جائے گا، یہ خیبرپختونخوا حکومت کا آئی ٹی کے شعبے میں فلیگ شپ منصوبہ ہے۔عاطف خان کا کہنا تھا کہ ڈیجیٹل سٹی میں آئی ٹی انڈسٹری کو ایک جگہ تمام سہولت میسر ہوگی، پاکستان ڈیجیٹل سٹی سے الیکٹرانکس انڈسٹری اور سافٹ ویئر ہاسز کو فائدہ ہوگا۔ان کا مزید کہنا تھا کہ کمپیوٹر، موبائل انڈسٹری اور ٹیکنالوجی انکیوبیٹرزو دیگر شعبوں کو فائدہ پہنچے گا۔
