آزادکشمیراورشمالی علاقوں میں تیز بارش اور برفباری کا امکان
آزادکشمیرسمیت شمالی علاقوں میں تیز بارش اور برفباری کا امکان ہے،بلوچستان کے شمالی حصوں میں مزید بارش ہوگی ۔محکمہ موسمیات کا کہنا ہے کہ سندھ اور پنجاب کے میدانی علاقوں میں دھند پڑنے کا امکان ہے جبکہ ملک کے بیشتر علاقوں میں بارش اور پہاڑوں پربرفباری ہو سکتی ہے۔ پیر کے روز اسلام آباد سمیت ملک کے کئی علاقوں میں مطلع ابرآلود رہا ۔پنجاب بھرمیں بادل چھائے رہیں گے جبکہ پوٹھوہار کے کچھ علاقوں اوراسلام آباد میں بوندا باندی ہوگی۔خیبرپختونخوا کے بیشترعلاقوں میں بھی آج اورکل ہلکی بارش کا امکان ہے، چترال، دیر، سوات، مالم جبہ اورکالام میں برفباری ہوگی۔ محکمہ موسمیات کے مطابق آزادکشمیرسمیت شمالی علاقوں میں تیز بارش اور برفباری کی پیشگوئی کی گئی ہے۔ مری اور گلیات میں بھی سفید موتیوں کی برسات ہوگی۔
