مسلم لیگ ن کے رہنما اور سینیئر نائب صدر مسلم لیگ ن اور پارٹی چیف آرگنائزر مریم نواز کے شوہر کیپٹن (ر) صفدر نےکہا ہےکہ قوم مہنگائی میں مر رہی ہے اور سابق آرمی چیف قمر جاوید باجوہ دبئی میں مہنگی شاپنگ کے مزے لوٹ رہے ہیں۔لاہورکی مقامی عدالت میں اشتعال انگیز تقاریرکےکیس میں پیشی کے موقع پر میڈیا سے گفتگو کرتے ہوئے مسلم لیگ ن کے رہنما کیپٹن (ر) صفدر نے کہا کہ میں آئین کی جنگ لڑ رہا ہوں، آئین نے مجھےحقوق دیے ہیں، مجھ پر مقدمے کے  پیچھے با اثر ہاتھ تھے۔کیپٹن (ر) صفدرکا کہنا تھا کہ قوم مہنگائی میں مر رہی ہے اور سابق آرمی چیف قمر جاوید باجوہ دبئی میں مہنگی شاپنگ کے مزے لوٹ رہے ہیں۔ان کا مزیدکہنا تھا کہ ثاقب نثار اور قمر جاوید باجوہ نے ملک تباہ کیا۔

پی ٹی آئی کا جلسہ، تھریٹ الرٹ جاری