وزیر اعلیٰ  پنجاب عثمان بزدار   نے کہا ہے  کہ کسی بھی ریاست کی بنیاد انصاف پر ہوتی ہے ، عام آدمی کو انصاف مہیا کرنا ہمارا نصب العین ہے۔  وزیر اعلی پنجاب عثمان بزدار نے عالمی یوم انصاف کے موقع پر اپنے پیغام میں کہا کہ کسی بھی ریاست کی بنیاد انصاف پر ہوتی ہے، انصاف کرنے والی اقوام ہی عالم میں اپنا مقام بناتی ہیں۔ انہوں نے کہا کہ کسی بھی ملک کی سماجی و معاشی ترقی انصاف سے جڑی ہے، معاشرے میں ہر فرد کو انصاف کی فراہمی ریاست کی ذمہ  داری ہے۔انہوں نے مزید کہا کہ عام آدمی کو انصاف مہیا کرنا ہمارا نصب العین ہے۔اس سے قبل ایک موقع پر وزیر اعلیٰ  نے کہا کہ تحریک انصاف کی حکومت ہر طبقے کی زندگی میں آسانیاں پیدا کر رہی ہے۔ مشکل وقت ختم ہونے کو اور اچھا وقت دستک دے رہا ہے۔