وزیراعظم ہاؤس کے اخراجات کم کرکے پیسہ فلاحی کاموں پر لگایا، اسد عمر
: وفاقی وزیرمنصوبہ بندی وترقی اسدعمر نے اپوزیشن لیڈر شہباز شریف کو مخاطب کرتے ہوئے کہا کہ عمران خان کےپارلیمنٹ میں نہ آنےکی شکایت کرتے ہیں لیکن نوازشریف کو پاکستان تو لائیں چاہتے ہیں وہ بھی پاکستانیوں کے ساتھ زندگی گزاریں۔ ایوان زیریں میں شہبازشریف کی تقریر پر ردعمل دیتے ہوئے اسدعمر نے کہا کہ یہ لوگ بیرون ملک پاکستانیوں سے فنڈز لیتے رہے اور ہم بیرون ملک پاکستانیوں سےووٹ لیکررہیں گے۔ ہم بیرون ملک پاکستانیوں سےووٹ کامسئلہ حل کریں گے۔ انہوں نے کہا کہ مئی سےجولائی تک 12فیصدریونیومیں اضافہ ہوا۔ 4ہزار ارب سےزائدریونیو جمع کیاگیا ۔سارے پاکستان میں نوجوانوں میں ہنرسیکھایاجائےگا۔ملک کی زراعت ریڑھ کی ہڈی ہے پاکستان کی تاریخ میں پہلی بار 3 بڑے منصوبوں پرکام ہورہا ہے دیامر، مہمند اور بھاشاڈیم پر جاری ہےجبکہ بلوچستان میں درمیانےسائزکےڈیم بنائے جارہےہیں۔ اسدعمر نے کہا کہ وزیراعظم عمران خان نےمشکل ترین فیصلےکرکےمعیشت کوسنبھالا۔ راجہ پرویزاشرف کے دورمیں ڈھائی ارب ڈالرکابیرونی خسارہ چھوڑاگیاتھا۔ ساڑھے3ارب ڈالر ذخائر موجود تھے جب ہماری حکومت آئی یہ دودھ اور شہد کی نہریں چھوڑ کر گئے تھے یہ حالات تھے وزیراعظم عمران خان نےبڑےمشکل فیصلےکیے ایک دھائی گزرنےکےبعدبیرونی خسارہ نہیں سرپلس ہوگیا۔ ان کا کہنا تھا کہ اپوزیشن لیڈرکی تقریرکاجواب دیناشروع کیاتوبہت وقت لگ جائےگا میں ایسے لیڈر کی پارٹی سےہوں جس نےعوام کی خدمات کی ۔میرا لیڈر مخیرحضرات، کمزورطبقوں کی مدد کرتا ہے عوام کی مدد کرنا ریاست کی اولین ترجیح ہوتی ہے ۔وزیراعظم ہاؤس کے 108کروڑ روپےسالانہ اخراجات کم کیے اخراجات میں کمی کرکےفلاحی کام کیےجا رہےہیں
