پاکستان میں سونا پھر مہنگا

عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔ آل پاکستان جیمز اینڈ جیولر ایسوسی ایشن کے مطابق سونے کی فی تولہ قیمت 2400 روپے اضافے کے بعد 3 لاکھ 38 ہزار 500 روپے ہوگئی ہے۔ ایسوسی ایشن کے مطابق اسی طرح 10 گرام سونا 2058 روپے مہنگا ہوکر 2 لاکھ 90 ہزار 209 روپے ہوگیا ہے۔ دوسری جانب عالمی صرافہ بازار میں سونے کا بھاؤ 24 ڈالر اضافے سے 3177 ڈالر فی اونس ہے۔ ملک میں چاندی کی قیمتوں میں بھی اضافہ ریکارڈ ہوا ہے جس کے مطابق فی تولہ چاندی کی قیمت 33روپے کے اضافے سے 3ہزار 416روپے اور فی 10 گرام چاندی کی قیمت 28روپے کے اضافے سے 2ہزار 923 روپے کی سطح پر آگئی۔