کشمیر کے معاملے پر پاکستان اور بھارت کو ہی بات کرنی ہے، انسداد دہشت گردی اقوام متحدہ جنرل اسمبلی اجلاس کےایجنڈے کا اہم نکتہ ہوگا:امریکا
امریکی محکمہ خارجہ کے ترجمان جان کربی نے میڈیا بریفنگ میں کہا کہ کشمیرکےمعاملے پر امریکی موقف میں کوئی تبدیلی نہیں آئی، چاہتے ہیں کہ پاکستان اوربھارت دوطرفہ طور پر مسئلے کاحل نکالیں، اس سوال پر کہ وزیراعظم نواز شریف کی جانب سے مسئلہ کشمیر اور بھارتی مظالم کا معاملہ جنرل اسمبلی میں اٹھانے پر امریکا کا کیا موقف ہے، ترجمان نے جواب دینے سے گزیر کیا۔جان کربی کا کہنا تھا کہ انسداد دہشت گردی اقوام متحدہ جنرل اسمبلی اجلاس کے ایجنڈے کا اہم نکتہ ہوگا۔انہوں نےکہا کہ کراچی میں رونما ہونے والے واقعات کوقریب سے دیکھ رہےہیں، پر تشدد مظاہروں میں ملوث ہونے کے الزام میں ایم کیوایم کےکارکنوں کی گرفتاریوں، ان کےغیر قانونی دفاتر کی بندش اور انہیں گرائے جانے سے آگاہ ہیں۔
