انور مجید، عبدالغنی کے طبی معائنہ کیلئے کمیٹی تشکیل
سپریم کورٹ میں انور مجید عبدالغنی مجید میڈیکل کیس کی سماعت ہوئی۔ چیف جسٹس نے ڈاکٹر سیمی جمالی سے مکالمہ میں کہا کہ آپ کو کبھی اتنا کمزور نہیں سمجھا تھا، میں تو سمجھتا تھا آپ آزاد ہیں۔ مسئلہ یہ ہے کہ ایک مریض کی تشخیص نہیں ہورہی۔ کب سے یہ لوگ ہسپتال میں ہے۔ میں نے ہسپتال کے دورے کے دوران ایم ایس کی عزت رکھی اور ایم آر آئی مشین کے پاس نہیں گیا، ایم آر آئی مشین کے اندر کون تھا ۔ سندھ حکومت کے بارے میں ریمارکس دینے پر مجبور نہ کریں۔ میں کوئی ہومیو پیتھک دوائی بھیج دیتا ہوں۔ ملزمان کی وکیل عائشہ حامد نے کہا کہ معاملہ متعلقہ عدالت میں ہے، سپریم کورٹ کو اس میں نہیں آنا چاہیے، سندھ کا معاملہ ہے تو پنجابی ڈاکٹرز کیوں چیک کریں جس پر جسٹس عمر عطا بندیال نے کہا کہ آپ اس معاملے میں صوبائیت کو نہ لائیں۔ عدالت نے انور مجید اور عبدالغنی مجید کے طبی معائنہ کیلئے ایف آئی اے کی درخواست پر سرجن جنرل آف پاکستان کی سربراہی میں کمیٹی قائم کرنے کا حکم دے دیا۔مقدمے کی مزید سماعت چوبیس ستمبر تک ملتوی کردی گئی
