محکمہ موسمیات کے مطابق کشمیر،گلگت بلتستان، بالائی خیبرپختونخوا اور بالائی پنجاب کے اکثر علاقوں میں بادل چھائے ہوئے ہیں ،،،پشاور، استور اور سکردو میں وقفے وقفے کے ساتھ بارش جاری ہے جس کے باعث دیگر علاقوں میں بھی گرمی کا زور ٹوٹ گیا۔ گزشتہ چوبیس گھنٹوں کے دوران خیبرپختونخوا، بالائی پنجاب، بالائی فاٹا اور کشمیر میں کہیں کہیں جبکہ کوئٹہ ،سبی، ژوب ، ڈی جی خان ڈویژن اور گلگت بلتستان میں چند مقامات پر گرج چمک اور تیز ہواؤں کے ساتھ بارش ہوئی۔ محکمہ موسمیات کا کہنا ہے کہ آئندہ چوبیس گھنٹوں سے بدھ کے دوران ملک کے اکثر علاقوں میں بادل برسیں گے، بارشوں کے باعث مالاکنڈ، ہزارہ ڈویژن، گلگت بلتستان اور کشمیر میں مزید لینڈ سلائیڈنگ کا خدشہ ہے۔ آئندہ چوبیس گھنٹوں کے دوران کشمیر، گلگت بلتستان، فاٹا، پشاور، مالاکنڈ، ہزارہ ،مردان،کوہاٹ ڈویژن، اسلام آباد، راولپنڈی، گوجرانوالہ، سرگودھا ، کوئٹہ ، ژوب اور سبی ڈویژن میں کہیں کہیں بادل برسیں گے،،، اس دوران قلات، نصیر آباد، ملتان، ڈی جی خان، ساہیوال، لاہور، فیصل آباد اور ڈی آئی خان ڈویژن میں چند مقامات پر گردآلود ہوائیں چلنے اور گرج چمک کےساتھ بارش کا بھی امکان ہے۔