پوسٹ حج آپریشن کے تحت قومی اورنجی ائیرلائنز کی پروازیں حجاج کرام کو لے کر لاہور، کراچی اور اسلام آباد پہنچ گئیں جن کا ائیر پورٹس پر پرتپاک استقبال کیا گیا اور پھولوں کے ہار پہنائے گئے۔ تفصیلات کے مطابق فریضہ حج کی ادائیگی کے بعد نجی ائیرلائن کی پہلی پروازجدہ سے 207 حاجیوں کو لے کر لاہور ائیرپورٹ پر پہنچی جہاں حجاج کے عزیز واقارب کی کثیر تعداد موجود تھی جنہوں نے پھولوں کی پتیاں نچھاور کیں اور ہار پہنائے۔پی آئی اے کی پہلی بعد از حج پرواز بھی جدہ سے لاہور ائیر پورٹ پہنچی، دو سوچودہ حاجی وطن واپس آئے۔ کراچی میں بھی پی آئی اے کی پہلی حج پرواز کے ذریعے حجاج کی واپسی ہوئی۔پی آئی اے کے ذریعے حجاج کرام کی وطن واپسی کا عمل چودہ ستمبر کو مکمل ہوگا، قومی ائیرلائن کے ذریعے بیاسی ہزار سے زائد افراد حج کے مقدس فریضے کی ادائیگی کے لیے سعودی عرب پہنچے تھے۔

ساری منصوبہ بندی عمران خان کودیوارسے لگانے کیلئے ہورہی ہے۔شیخ رشید