حیدر آباد :فلیٹ کے کچن میں دھماکہ،2 افراد زخمی
حیدر آباد میں رہائشی فلیٹ کے کچن میں گیس بھر جانے سے دھماکہ ہوا۔ دھماکے سے 2 افراد زخمی ہوگئے ہیں۔تفصیلات کے مطابق حیدرآباد کے علاقے کینٹ بورڈ کی حدود میں واقع چاندنی پلازہ کی چھٹی منزل پر دھماکہ ہوا جس کے نتیجے میں 2 افراد زخمی ہوئے ہیں۔ریسکیو حکام کا کہنا ہے کہ زخمی ہونے والے دونوں نوجوان ہیں جن کو سول ہسپتال کے برنس وارڈ منتقل کردیا گیا ہے جبکہ زخمیوں کی شناخت لو کمار اور کملیش کمار کے نام سے ہوئی ہے۔ورثا کے مطابق دھماکہ رہاشی فلیٹ کے کچن میں گیس بھر جانے سے ہوا ہے ، دونوں نوجوان رہاشی پلازہ میں کافی وقت سے رہائش پزیر تھے۔دوسری جانب ڈاکٹرز کا کہنا ہے کہ زخمی ہونے والے ایک نوجوان کا جسم 60 فیصد تک جھلسا ہے جبکہ دوسرے نوجوان کا جسم 35 فیصد تک جھلس گیا ہے۔واضح رہے کہ دونوں نوجوانوں کو برنس سینٹر کراچی شفٹ کیا جارہا ہے۔
