افغانستان:صحت سمیت مخصوص شعبوں میں خواتین کو کام کرنے کی اجازت
شعبہ صحت سمیت دیگر مخصوص شعبوں میں خواتین کو کام کرنے کی اجازت، فلاحی تنظیموں کی سرگرمیاں جزوی طور پر بحال ہوگئیں۔ غیر ملکی خبر رساں اداے کی رپورٹ کے مطابق افغانستان میں طالبان حکام کی جانب سے شعبہ صحت سمیت دیگر شعبوں میں خواتین کو کام کرنے کی اجازت دینے کی یقین دہانی کے بعد کئی امدادی تنظیموں نے اپنی سرگرمیاں بحال کردی ہیں۔ ترجمان افغان وزارت صحت عامہ نے کہا کہ انہوں نے شعبہ صحت سے متعلقہ کوئی سرگرمیاں نہیں روکی ہیں، ایک غلط فہمی کی وجہ سے امدادی تنظیموں نے اپنی صحت کی خدمات روک دی تھیں تاہم اب انہوں نے یہ سلسلہ بحال کر دیا ہے۔ میڈیا رپورٹ کے مطابق انٹرنیشنل ریسکیو کمیٹی اور سیو دی چلڈرن اینڈ کیئر نے کہا کہ وہ دوبارہ کچھ پروگرامز کا آغاز کررہے ہیں جن میں زیادہ تر صحت اور غذائیت پر مرکوز ہیں۔
