ترجمان وزیراعلیٰ  پنجاب شہباز گل  نے کہا ہے کہ ملک کو قرضوں سے نکالنے اور اپنے پائوں پر کھڑاکرنے کیلئے ہر پاکستانی کو ٹیکس ادا کرنا ہوگا،جعلی منصوبے اور سیاسی شعبدہ بازی کا دور گزر چکا ہے۔  انہوں  نے اپنے ٹویٹ  میں کہا ہے کہ وزیراعظم عمران خان قوم کی واحد امید ہیں،ان کی قیادت میں پاکستان معاشی طور پر مضبوط ہوگا،پہلی دفعہ کسی حکومت نے عوام کو ملک کی حقیقی معاشی صورتحال سے آگاہ کیا ہے،جعلی منصوبے اور سیاسی شعبدہ بازی کا دور گزر چکا ہے ، عوام کی حقیقی فلاح کے منصوبے لائے جا رہے ہیں ۔ انہوں نے کہا کہ  ماضی کے حکمران ٹیکس نیٹ میں اضافہ کرنے کی بجائے تاجروں سے پارٹی فنڈ اکٹھا کرتے رہے،ملک کو قرضوں سے نکالنے اور اپنے پائوں پر کھڑا ہونے کے لیے ہر پاکستانی کو ٹیکس ادا کرنا ہوگا.  وزیراعلی عثمان بزدار پنجاب میں حقیقی تبدیلی لا رہے ہیں،کرپٹ عناصر کا صوبے سے صفایا کیا جا رہا ہے ۔انہوں نے کہا  کہ ملک کو قرضوں سے نکالنے اور اپنے پائوں پر کھڑا ہونے کیلئے ہر پاکستانی کو ٹیکس ادا کرنا ہوگا،گذشتہ دس سالوں میں چوبیس ہزارارب کا بیرونی قرضہ لے کر صرف اپنی جیبیں بھری گئیں،سابقہ حکمرانوں نے زلزلہ زدگان اور سیلاب کے لیے بیرونی امداد کو بھی نہ بخشا. عوام جاننا چاہتے ہیں کہ شریف خاندان کے پاس ایسا کونسا الہ دین کا چراغ تھا حس سے ان کے اثاثوں میں حیرت انگیز اضافہ ہوا ۔