میانوالی میں پاک فضائیہ کا بغیر پائلٹ طیارہ گر کر تباہ ہو گیا

پی اے ایف بیس ایم ایم عالم سے اڑنے والا پاک فضائیہ کا بغیر پائلٹ طیارہ اڑان کی جگہ سے صرف چھ کلو میٹر دور ہیڈ پکا کے قریب گر کر تباہ ہوگیا، طیارہ معمول کی تربیتی پرواز پر تھا کہ اچانک حادثے کا شکار ہوگیا، تاہم حادثے کے نتیجے میں کوئی جانی نقصان نہیں ہوا، حادثے کے بعد پاک فضائیہ اور دیگر عسکری امدادی ٹیموں نے علاقے کو گھیرے میں لے کر طیارے کا ملبہ قبضے میں لے لیا، حادثے کی تحقیقات کے لیے اعلیٰ سطح کا بورڈ تشکیل دے دیا ہے