پاکستان فضائیہ کے فخر اور قوم کے ہیرو ایم ایم عالم کی پانچویں برسی آج منائی جارہی ہے
ایم ایم عالم کا پورا نام محمد محمود عالم تھا۔ وہ 6جولائی 1935 کو کلکتہ میں پیدا ہوئے تھے،،مشرقی پاکستان میں تعلیم حاصل کرنے کے بعد وہ 1952 میں پاکستان ایئر فورس میں شامل ہو گئے اپنی ان تھک محنت اور اپنے کام سے جنون کی حد تک عشق کی بدولت ترقی کرتے ہوئےا سکواڈرن لیڈر ‘ انسٹرکٹر ‘ ڈائرکڑ آپریشنزاور اسسٹنٹ چیف آف ایئر اسٹاف کے عہدوں پر فائز رہے ۔ایم ایم عالم نے 1965 ء کی پاک بھارت جنگ میں سرگودھا کے محاذ پر پانچ بھارتی ہنٹر جنگی طیاروں کو ایک منٹ کے اندر اندر مار گرایا جن میں سے چار تیس سیکنڈ کے اندر مار گرائے گئے تھے۔ یہ ایک عالمی ریکارڈ تھا۔اس جنگ کے دوران ایم ایم عالم نے مجموعی طور پر دشمن کےنو طیارے مار گرائے اور دو کو نقصان پہنچایا،،اس کارنامے پر انہیں دو مرتبہ ستارہ جرات کا اعزاز عطا کیا گیاایم ایم عالم پی اے ایف مسرور بیس کراچی کے قبرستان میں سپرد خاک ہیں ۔ میانوالی بیس ،لاہور اور کراچی کی دو سڑکیں قوم کے بہادر سپوت کے نام سے منسوب ہیں جبکہ محکمہ ڈاک کی جانب سے ان کی وفات کے بعد ان کی تصویر سے مزین ایک ڈاک ٹکٹ جاری کیا گیا تھا۔