صدر آصف علی زرداری دو روزہ دورے پرکل لاہور پہنچ رہےہیں پارٹی رہنماؤں اور عہدیداروں سے ملاقات میں پیپلزپارٹی کی شکست پرپرغورکیا جائےگا.
ذرائع کے مطابق صدرآصف علی زرداری دو روزہ دورہ پراتوار کو بلاول ہاوس لاہورپہنچیں گےصوبائی دارالحکومت میں قیام کے دوران صدر آصف زرداری پیپلزپارٹی پنجاب کے رہنماؤں اور عہدیداروں سے بھی ملیں گےصدر کو انتخابات میں پارٹی کی شکست سے متعلق رپورٹ بھی پیش کی جائےگی ذرائع کے مطابق رپورٹ میں بتایا گیا ہے کہ الیکشن کے دوران پیپلزپارٹی پنجاب کے صدرمیاں منظوروٹو،لاہورکی صدرثمینہ خالد گھرکی اورسیکرٹری جنرل سردارلطیف خان کھوسہ اپنی اوراپنے بچوں کی انتخابی مہم چلانے میں مصروف رہے اورانہوں نے پیپلزپارٹی کےامیدوراں کومخالف پارٹیوں کے رحم وکرم پرچھوڑدیاجوپیپلزپارٹی پنجاب کی شکست کا باعث بناصدرکی زیرصدارت ہونے والے اجلاس میں پیپلزپارٹی کی پنجاب میں اپوزیشن کے طورپرکردارکے حوالے سے حکمت عملی ترتیب دی جائے گی ذرائع کا کہنا ہے کہ لاہورمیں صدرکے قیام کے دوران پنجاب میں الیکشن کےدوران ناقص کارکردگی کےحامل پارٹی عہدیداروں کوفارغ کرنے کافیصلہ بھی کیاجائے گا.
