قذافی سٹیڈیم لاہور میں اب تک اٹھاون ون ڈے میچز کھیلے جاچکے
چھے سال بعد انٹرنیشنل ٹیم پاکستان پہنچ رہی ،قومی ہیروز کو ایکشن میں دیکھنے کیلئے شائقین بھی پر جوش ہیں ، میدان ہوگا قذافی سٹیڈیم لاہو جو ملک کا سب سے جانا مانا سٹیڈیم ہے اعداد و شمار کے مطابق قذافی سٹیڈیم اب تک اٹھاون ون ڈے انٹرنیشنل مقابلوں کی نمائندگی کرچکا ہے،جس میں سے انتیس میچز پاکستان کے نام رہے،اٹھارہ میچوں میں مہمان ٹیم نے کامیابی حاصل کی ،دس مقابلوں میں دیگر ٹیموں کے مابین کھیلے گئے،جبکہ ایک میچ بے نتیجہ رہا،انیس سو چھیانوے ورلڈ کپ کا فائنل بھی اسی میدان میں کھیلا گیا تھا، سٹیڈیم میں آخری مرتبہ ایک روزہ میچ چوبیس جنوری دو ہزار نو کو پاکستان اور سری لنکا کے مابین کھیلا گیا تھا،،جس میں قومی ٹیم پچھتر رنز پر ہی ڈھیر ہوگئی تھی ،دوسری طرف سٹیڈیم میں اب تک انٹرنیشنل ٹی ٹوئنٹی نہیں کھیلا گیا، تاہم بائیس مئی کو زمبابوے کیخلاف کھیلے جانے والے پہلے ٹی ٹوئنٹی سے یہ سلسلہ ٹوٹنے جارہا ہے
