خادم الحرمین الشریفین شاہ سلمان بن عبدالعزیز آل سعود نے سنت رسولۖ تازہ کرنے اور باران رحمت کے حصول کے لیے  جمعرات کو ملک بھر میں نماز استسقا کی ادائیگی کی ہدایت کی ہے۔غیرملکی خبررساں ادارے کے مطابق شاہی دیوان کی طرف سے جاری ایک بیان میں کہا گیا کہ خادم الحرمین الشریفین شاہ سلمان بن عبدالعزیز کی طرف سے تاکید کی گئی کہ ملک بھر میں  جمعرات کو  نماز استسقا کا اہتمام کرتے ہوئے سنت رسول صلی اللہ علیہ وسلم کو تازہ کیا جائے اور اللہ سے باران رحمت کے لیے دعائیں کی جائیں۔توبہ واستغفار ،ذکر اذکار،صدقات وخیرات، نوافل کا اہتمام، رجوع اللہ اور زیادہ سے زیادہ عبادت کی جائے تاکہ اللہ کی رحمت کے نزول کے دروازے کھل سکیںخادم الحرمین الشریفین نے اللہ سے دعا کی کہ وہ اپنے بندوں پرخصوصی فضل وکرم فرماتے ہوئے رحمت کی بارش نازل فرمائے۔خیال رہے کہ سعودی عرب سمیت بعض علاقوں میں کئی ماہ سے موسم خشک ہے اور لوگ بارش کو ترس گئے ہیں۔

قوم کیلئے کرونا ویکسین سے متعلق بڑی خوشخبری