نارویجین پولیس اوربرطانوی ہائی کمیشن سکیورٹی آفیسرزکے وفود کا پنجاب سیف سٹیز اتھارٹی کا دورہ
نارویجین پولیس آفیسرز اوربرطانوی ہائی کمیشن سکیورٹی آفیسرزنے پنجاب سیف سٹیز اتھارٹی کا دورہ کیا۔وفود کودورے کے موقع پر چیف آپریٹنگ آفیسرپنجاب سیف سٹیزا تھارٹی محمد کامران خان نے اتھارٹی بارے بریفنگ دی۔سیکورٹی آفیسرز نے اتھارٹی کے شہر بھر میں نصب کیمروں کے ذریعے مانیٹرنگ کے عمل کا جائزہ لیا۔وفد کو آپریشنز اینڈ مانیٹرنگ سینٹر، ایمرجنسی کنٹرول سینٹر، ڈسپیچ کنٹرول سنٹرکا دورہ کروایا گیا۔وفود کوایڈوانس ٹریفک مینجمنٹ سسٹم اورالیکٹرانک چلاننگ کے نظام بارے بتایا گیا۔وفود کوخواتین کیلئے بنائی گئی ویمن سیفٹی ایپ کے فیچرز بارے بھی بتایا گیا۔اس موقع پر برطانوی سکیورٹی ایڈوائزرمسٹرلین والکرکا کہنا تھا کہ انٹرنیشنل ٹریولرز کوپاکستان آمدپر ویمن سیفٹی ایپ لازمی انسٹال کرنی چاہیے۔پنجاب پولیس ویمن سیفٹی ایپ کوٹریول ایڈوائزری میں شامل کرینگے جبکہ نارویجین پولیس آفیسرز کا اس موقع پر کہنا تھا کہ پنجاب سیف سٹیز اتھارٹی کا انفراسٹرکچر بین الاقوامی معیار پر پوراا ترتا ہے۔ناوریجین پولیس نے 2017میں پنجاب سیف سٹیز اتھارٹی کی جانب سے آن لائن پولیس ٹرائل مکمل کرنے میں مدد فراہم کرنے پر اتھارٹی کا شکریہ ادا کیا۔چیف آپریٹنگ آفیسر محمد کامران خان نے بتایا کہ پنجاب سیف سٹیز اتھارٹی تمام اداروں کو ہر ممکن تعاون فراہم کررہی ہے۔پنجاب پولیس ویمن سیفٹی ایپ کے پی کے،بلوچستان کو بھی فراہم کردی گئی ہے۔ بہت جلد پاکستان ویمن سیفٹی ایپ بھی بنائی جائیگی۔جس کو پورے ملک کی خواتین استعمال کرسکیں گی۔پنجاب پولیس ویمن سیفٹی ایپ اب تک 1لاکھ 25 ہزار سے زائد خواتین انسٹال کرچکیں ہیں۔بعد ازاں دورے کے اختتام پر پنجاب سیف سٹیز اتھارٹی اور وفود کے مابین یادگاری شیلڈز کا تبادلہ بھی کیا گیا۔