سلام آباد: وزیر داخلہ رانا ثنا اللہ نے کہا ہے کہ اہم تعیناتی پر اتفاق رائے ہو چکا ہے تاہم فیصلہ وزیر اعظم ہی کریں گے۔

وزیر داخلہ رانا ثنا اللہ نے میڈیا سے گفتگو کرتے ہوئے کہا کہ میرا تجربہ ہے حساس نوعیت کے فیصلے سے پہلے اتفاق رائے ہوتا ہے اور اہم تعیناتی پر اختیار وزیر اعظم کا ہے جبکہ اس معاملے پر اتفاق رائے ہوچکا ہے۔انہوں نے کہا کہ آرمی چیف کی تعیناتی کا فیصلہ وزیر اعظم ہی کریں گے جو ان کا آئینی اختیار ہے اور تعیناتی پر یقینی طور پر وزیر اعظم نے عسکری لیڈر شپ سے بات کی ہو گی۔ آرمی چیف کی تعیناتی کسی کو سرپرائز دینے والی بات نہیں ہے۔رانا ثنا اللہ نے کہا کہ کوئی ایسی بات نہیں کرنا چاہتا کہ فیصلے سے پہلے قیاس آرائی ہو اور اہم نوعیت کی تقرری کو پیپرز پر لانے سے پہلے انڈرسٹینڈنگ ضروری ہے۔ مشاورت سے مراد کسی کا اختیار تو نہیں ہوتا۔

چین پاکستان اقتصادی راہداری کے تحت اربوں ڈالر کی سرمایہ کاری، چینی حکومت اور عوام کی پاکستان سے محبت کا منہ بولتا ثبوت ہے

انہوں نے کہا کہ وزیر اعظم کسی سے بھی بات کر سکتے ہیں لیکن فیصلہ وزیر اعظم نے ہی کرنا ہے۔ تعیناتی کا معاملہ پیپر پر آنا باقی ہے اور ایک سے 2 دن میں آرمی چیف کی تعیناتی کا فیصلہ ہو جائے گا۔