فیفا قطرکے آگے مجبور؛ ورلڈ کپ کے دوران اسٹیڈیمزمیں شراب کی فروخت پر پابندی
قطر نے فیفا ورلڈ کپ 2022 کے دوران اسٹیڈیمز کے آس پاس شراب پر مبنی مشروبات پر پابندی عائد کردی۔ عالمی میڈیا کے مطابق قطر میں شراب کی فروخت سے متعلق سخت قوانین ہیں۔ مذکورہ فیصلہ ایسے وقت پر سامنے آیا ہے جب گیمز کے آغاز میں 2 دن باقی ہیں۔ اس فیصلے کے بعد شائقین ’’بڈوائیزر‘‘ نامی شراب مقررہ کردہ 8 اسٹیڈیمز کے ارد گرد نہیں خرید سکیں گے۔خیال رہے کہ فیفا کا سب سے بڑا اسپانسر ’’بڈوائیزر‘‘ بیئر بنانے والی کمپنی کو ورلڈ کپ میں بیئر فروخت کرنے کے خصوصی حقوق حاصل ہیں۔
فیفا کی جانب سے افتتاحی میچ شروع ہونے سے صرف دو دن قبل آنے والے فیصلے سے ظاہر ہوتا ہے کہ اب میچوں میں شرکت کرنے والا کوئی بھی شخص اسٹیڈیم کے اندر شراب پر مبنی مشروب پی نہیں سکے گا۔
