جنوبی وزیرستان کی تحصیل سروکئی میں امریکی ڈرون طیارے نے گھر پر میزائل داغے جس سے گھر مکمل طور پر تباہ ہوگیا۔ حملے سے گھر میں موجود تین دہشتگرد مارے گئے۔ حملے کےبعد علاقے میں ڈرون طیاروں کی پروازیں جاری ہیں جس سے قریبی علاقوں کے مکینوں میں شدید خوف وہراس پھیل گیا ہے۔ واضح رہے کہ پاک افغان سرحدی علاقوں میں امریکی ڈرون طیاروں کے حملوں میں متعدد دہشتگرد مارے جاچکے ہیں جبکہ پاکستان کی جانب سے فضائی حدود کی خلاف ورزی پرامریکہ سے احتجاج بھی کیا گیا ہے۔