مشیر خزانہ عبدالحفیظ شیخ نے کہا ہے کہ موجودہ حکومت  خود کار نظام کے ذریعے شفافیت لانے کےلئے ٹیکس نظام میں اصلاحات کا سلسلہ جاری رکھے گی۔وہ آج اسلام آباد میں ٹیکس ڈائریکٹری کے اجرا اور ٹیکس دہندگان کی جانچ پڑتال کےلئے قرعہ اندازی کی تقریب سے خطاب کررہےتھے۔

 حفیظ شیخ نے کہا کہ ایف بی آر کےخلاف شکایات اور ٹیکس دہندگان کی سہولت کی خاطر رقوم کی واپسی کے معاملے پر فیڈرل بورڈ آف ریونیو کے افسران اور تاجر برادری کے نمائندوں پر مشتمل دو کمیٹیاں تشکیل دی گئی ہیں۔

 انہوں نے کہا کہ ٹیکس محصولات کا بنیادی مقصد پانی، صحت، تعلیم اور بنیادی ڈھانچے جیسی بہتر بنیادی سہولیات فراہم کرنا ہے۔

ملک کو غیر مستحکم کرنے کی کسی بھی کوشش کا بھرپور جواب دیا جائےگا: آرمی چیف