موٹروے زیادتی کیس کے مرکزی ملزم عابد کی تصویر اور معلومات لیک ہونے کی ابتدائی رپورٹ ایوان وزیراعلی کو موصول ہوگئی۔ متعلقہ شخص کی نشاندہی کرلی گئی۔ ایوان وزیراعلی کو موصول ہونے والی ابتدائی رپورٹ میں بتایا گیا کہ رپورٹ فرانزک ڈیپارٹمنٹ سے لیک ہوئی، رپورٹ لیک کرنے والے متعلقہ شخص کی بھی نشاندہی کرلی گئی۔ لاہور، ساہیوال، قصور کے بعد ننکانہ صاحب میں بھی پولیس کی بھاری نفری ایک بار پھر ہاتھ ملتی رہ گئی، ملزم عابد ہاتھ نہ آیا۔ ملزم اپنی سالی کے گھر آیا تھا، ساس نے 15 پر عابد سے متعلق اطلاع دی، لیکن پولیس 30 منٹ بعد پہنچی تو وہ وہیں موجود تھا، کشور بی بی کے اشارے پر ملزم تین میٹر کے فاصلے سے چکمہ دے کر فرار ہوگیا۔ پولیس کی ساری کوششیں دھری کی دھری رہ گئیں، عابد پھر ہاتھ سے نکل گیا۔ ملزم کی تلاش کیلئے پولیس نے رائے بلار پارک اور دھولر والے قبرستان میں سرچ آپریشن کیا، وہاں سے بھی کوئی کامیابی نہ ملی، 10 روز گزر گئے، موٹر وے زیادتی کا مرکزی ملزم تا حال گرفتار نہ ہوسکا جو پولیس کی کارکردگی پر سوالیہ نشان ہے۔

خلیجی بادشاہوں کے ساتھ تعلقات کو بہتر بنانے کی امریکی صدر کی خواہش میں نئی تیزی