راجن پورمیںChotugangکومنطقی انجام تک پہنچانےکیلئےآپریشن تیزکردیاگی

راجن پور میں چھوٹو گینگ کیخلاف آپریشن کے دوران بنگلہ اچھا،کچا شاہ والی،کچا سون میانی،کچا مورو اور کچا جمال میں کرفیو نافذ ہے۔ ذرائع کے مطابق فورسز کی جانب سے صبح چھ سے آٹھ بجے تک کرفیو میں نرمی کے بعد دوبارہ کرفیو نافذ کردیا گیا۔پاک فوج کے کمانڈوز بھی آپریشن میں متحرک ہیں اور فورسز نے علاقے میں ڈاکوؤں کی نقل وحرکت محدود کردی ہے۔ ڈاکوؤں کیخلاف زمینی آپریشن میں حصہ لینے کیلئے بکتر بند گاڑیوں کی بڑی تعداد بھی علاقے میں پہنچ رہی ہے۔ پاک فوج کو آپریشن میں گن شپ ہیلی کاپٹروں اورتوپوں کی مدد بھی حاصل ہے۔ چھوٹو گینگ کی جانب سے یرغمال بنائے گئے چوبیس پولیس اہلکاروں کی بازیابی کو یقینی بنانے کی بھرپورکوشش کی جاری ہے۔