پاکستان اور افغانستان کوایک جیسے چیلنجز کا سامنا ہے،کابل کے امن واستحکام میں اسلام آباد کا اہم کردار ہے:جان کربی
واشنگٹن میں میڈیا بریفنگ کے دوران جان کربی کا کہنا تھا کہ پاکستان اور افغانستان کی سرحدیں مشترکہ ہیں انہیں مشترکہ چیلنجز کے ساتھ مشترکہ مسائل کا بھی سامنا ہے، دونوں کو ملکر ان چیلنجز کا سامنا کرنا ہوگا،،انہوں نے کہا کہ اسلام آباد اور کابل کے درمیان جاری کشیدگی ختم کرانے کی کوشش کر رہے ہیں، وزیرخارجہ جان کیری نے افغان صدر اشرف غنی اور چیف ایگزیکٹو عبداللہ عبداللہ سے ٹیلیفون پر گفتگو کرکے ملکی اور دیگر امور پرتبادلہ خیال بھی کیا، طالبان،داعش اور القاعدہ کے متعلق بھی بات چیت ہوئی،جان کربی نے کہا کہ دہشتگردی کے خاتمے میں امریکا افغانستان کی مدد کررہاہے لیکن دہشتگردی کے مکمل خاتمے کا وقت نہیں دے سکتے۔ ایک سوال پر جان کربی نے کہاکہ ایران کو حال ہی میں دی گئی 40 کروڑ ڈالر کی ادائیگی امریکی قیدیوں کی رہائی سے مشروط تھی۔۔
