سابق وزیر اعلیٰ سندھ قائم علی شاہ کی بیٹی اور رکن قومی اسمبلی نفیسہ شاہ کی بہن سیدہ نجمہ شاہ انتقال کرگئیں۔ اہلخانہ کے مطابق قائم علی شاہ کی بڑی بیٹی سیدہ نجمہ شاہ کچھ عرصے سے بیمار تھیں، مرحومہ کی نماز جنازہ خیرپور میں آج ادا کی جائیگی۔ دوسری جانب سیدہ نجمہ شاہ کے انتقال پر سیاسی جماعتوں کے قائدین و رہنماؤں کی جانب سے قائم علی شاہ سے اظہار تعزیت کیا گیا۔ چیئرمین پیپلز پارٹی بلاول بھٹو بھی قائم علی شاہ سے تعزیت کے لیے پہنچے اور مرحومہ کی مغفرت کے لیے دعائے خیر کی۔