وفاقی وزیر داخلہ شیخ رشید احمد نے  پاک ایران سرحد پرگوادر، تربت، مند اور ریدیگ کے  علاقوں کا فضائی معائنہ کیا  ۔ یہاں اسلام آباد سے جاری بیان کے مطابق وزیر داخلہ نے بلوچستان میں حالیہ قائم رمدان ۔گبد پاکستان ایران ٹریڈ گیٹ وے کا دورہ  بھی کیا۔پاکستان ایران کے درمیان تجارتی سامان کی ترسیل سے متعلق سہولیات کا جائزہ لیا۔آئی جی ایف سی بلوچستان وزیر داخلہ کے ہمراہ تھے۔ شیخ رشید احمد نے کہا کہ پاکستان اور ایران کے سرحدی بارڈر پر باڑ لگانے کا کام 40 فیصد مکمل ہوچکا۔پاکستان ایران 928 کلومیٹر بارڈر پر باڑ کا کام جون تک مکمل ہوجائیگا۔پاکستان افغانستان بارڈر پر بھی باڑ کا 90 فیصد کام مکمل ہوچکا۔رواں سال جون تک ایران اور افغانستان بارڈز پر باڑ کا کام سو فیصد مکمل ہوجائیگا۔شیخ رشید احمد نے کہا کہ بارڈرمنیجمنٹ کو جدید بنا رہے ہیں۔ملکی کی داخلہ سلامتی یقینی بنائیں گے۔ملکی تجارت کے فروغ اور لوگوں کی آمدورفت کو آسان بنائیں گے۔ وزیر داخلہ چار روزہ دورے پر بلوچستان پہنچے ہیں۔ اپنے دورے میں گوادر پورٹ اور تافتان بارڈر کا بھی معائینہ کرینگے۔

الیکشن کمیشن نے علی حیدر گیلانی کی ویڈیو کا نوٹس لے لیا