نگران وزیراعظم ناصرالملک نے الیکشن کمیشن میں اثاثوں کی تفصیلات جمع کرا دی ہیں۔ دستاویزات کے مطابق ناصر المک کے نام پر پاکستان میں چودہ جائیدایں موجود ہیں۔سوات میں آٹھ مختلف اراضیاں اور پشاور کی اراضی والد کی جانب سے گفٹ ظاہر کی گئی ہے۔ ان کے پاس ایک کنال کا رہائشی پلاٹ ڈی ٹویلو اسلام آباد اور ایک کنال کا پلاٹ جی فورٹین میں ہے۔ ان کے بحریہ انکلیو اسلام آباد میں دو کنال کے پلاٹ کی قیمت ایک کروڑ دس لاکھ روپے سے زائد ہے۔ ڈپلومیٹک انکلیو میں ایک اپارٹمنٹ بھی ان کی زیرملکیت ہے جس کی قیمت دو کروڑ بیس لاکھ روپے ہے۔ زیرتعمیر انسٹیٹیوشن اپارٹمنٹ اراضی کی قیمت چار کروڑ تینتیس لاکھ روپے سے زائد ہے۔ نگران وزیراعظم کی اہلیہ کے نام بیرون ملک جائیداد سنگاپور اور لندن میں واقع ہے۔۔ ان اہلیہ کی سنگاپور جائیداد کی مالیت سات لاکھ چودہ ہزار ڈالر سے زائد جبکہ لندن جائیداد کی مالیت دو لاکھ بہتر ہزار آٹھ سو پچاس پاؤنڈز ہے۔ نگران وزیراعظم کی اہلیہ نے پانچ لاکھ نوے ہزار سات سو بائیس ڈالرز مالیت کی انویسٹمنٹ بھی کر رکھی ہے۔ دوسری جانب نگران وزیراعظم ہونڈا سوک 2012 ماڈل کی کار کے مالک بھی ہیں جس کی مالیت10لاکھ روپے ہے۔۔ ٹویوٹا کرولا2012 کی مالیت اڑتالیس لاکھ روپے ظاہر کی گئی ہے۔ ان کی زیر ملکیت اکتیس لاکھ روپے کے زیورات اور پینسٹھ لاکھ روپے مالیت کا فرنیچر بھی ہے۔ نگران وزیراعظم کے پاس مختلف بنکوں کے اکاؤنٹس میں دس کروڑ پچیس لاکھ سے زائد کی رقم موجود ہے۔

 کورونا وائرس نے پھر خطرے کی گھنٹی بجادی، گذشتہ24گھنٹوں میں 1772نئے کیسز رپورٹ