ویل مچھلی کے پیٹ سے ’40 کلوگرام‘ پلاسٹک بیگ نکل آیا۔
فلپائن میں سمندری ساحل پر ہلاکلت میں پہنچنے والی ایک ویل مچھلی کے پیٹ سے 40 کلو گرام پلاسٹک بیگ نکلے ہیں۔ غیر ملکی میڈیا ذرا ئع کے مطابق محققین کا کہنا ہے کہ فلپائن میں سمندری ساحل پر ہلاک حالت میں پہنچنے والی ایک ویل مچھلی کے پیٹ سے 40 کلو گرام پلاسٹک بیگ نکلے ہیں۔دبون کلیکٹر میوزیم کی جانب سے کیے گئے ایک فیس بک پوسٹ میں کہا گیا ہے کہ ان لوگوں نے کسی بھی ویل مچھلی سے پلاسٹک کی یہ مقدار نکلتی نہیں دیکھی۔میوزیم کی جانب سے آئندہ چند روز میں ویل مچھلی کے پیٹ سے نکلنے والی تمام پلاسٹک اشیا کی فہرست جاری کی جائے گی۔واضح رہے کہ گذشتہ سال جون میں ایک اور ویل مچلھی 80 پلاسٹک بیگ کھانے کی وجہ سے مر گئی تھی۔ اس واقعہ سے کچھ عرصہ قبل ہی برطانی حکومت کی رپورٹ سامنے آئی تھی جس مں کہا گیا تھا کہ اگر سمندر میں پلاسٹک کے مسئلے کو حل کرنے کے لیے کچھ نہ کیا گیا تو اس کی مقدار آئندہ دس سال میں تین گنا بڑھ جائے گی۔ماحولیاتی امور کے حوالے سے آگاہی پھلانے میں مصروف ادارے اوشن کنزرونسی اور مکنزی سنٹر کی 2015 کی ایک رپورٹ کے مطابق پانچ ایشیائی ممالک چین، انڈونیشیا، فلپائن، ویتنام، اور تھائی لینڈ سمندر میں پھینکے جانے والے پلاسٹک میں 60 فیصد کے ذمہ دار ہیں۔
