باچا خان ایئرپورٹ پر 32فرنٹ لائن ورکرزکورونا وائرس کا شکار
باچا خان ایئرپورٹ پرسول ایوی ایشن اتھارٹی(سی اے اے ) کے 32 فرنٹ لائن ورکرزکورونا وائرس کا شکار ہو گئے ۔پشاورمیں باچا خان انٹرنیشنل ایئرپورٹ پر سول ایوی ایشن اتھارٹی کے 32فرنٹ لائن ورکرز کورونا میں مبتلا ہوگئے۔ کورونا میں مبتلا زیادہ تر ایئرپورٹس پر کام کرنے والے ویجلینس، ایئرپورٹ سروسز، برج آپریٹرزمتاثر ہوئے ۔ائیرپورٹ ذرائع کے مطابق مجموعی طور پر پشاور ایئرپورٹ پر خلیجی ممالک سے آنے والے 80 سے زائد مسافرکورونا وائرس میں مبتلا نکلے تھے، بیرون ملک سے کورونا مثبت آنے والے مسافروں کو کورونا کا پھیلا ئوکا سبب بنے۔اس متعلق ایئرپورٹ منیجرنے کہا کہ ایئرپورٹ پر ہنگامی بنیادوں پر ڈس انفیکٹ کرنے کے ساتھ سپرے بھی کیا جارہا ہے۔
