پاکستان  پیپلزپارٹی نے الیکٹرانک ووٹنگ مشین سے متعلق شدید تحفظات اور خدشات کا اظہار کیا ہے۔ سیکرٹری جنرل یپپلز پارٹی سید نیر حسین بخا ری نے ردعمل میں کہا ہے کہ حکومت کی الیکٹرانک ووٹنگ مشین سے متعلق اقدامات آئندہ انتخابات چوری کرنے کی تیاری ہے۔   نیر بخآری  نے مزید  کہا کہ چیرمین بلاول بھٹو زرداری اور پیپلز پارٹی ووٹ پر ڈاکہ نامنظور کا نعرہ زبان زد عام ہو چکا ہے  انہوں نے کہا کہ  حکومت ناکامی کے ڈر سے آئندہ انتخابات بھی انجنیئرڈ طریقے سے جیتنے کی کوششیں کر رہی ہے الیکٹرانک ووٹنگ مشین سے  بغیر ثبوت چھوڑے دھاندلی کے زیادہ امکانات ہیں۔ نیر بخآری نے مزید کہا کہ کئی ترقی یافتہ ممالک نے الیکٹرانک ووٹنگ مشین کے استعمال کو ختم کردیا ہے اور براہ راست ووٹ کے طریقہ کار کو اپنا لیا ہے۔ نیر بخآری نے کہا کہ سمندر پار پاکستانیوں سے متعلق ای وی ایم کے استعمال کا تجربہ کیا گیا جو بری طرح ناکام ہوا تھا اس کے باوجود حکمران اپنے ذاتی مفاداتی ایجنڈے کی تکمیل کیلئے الیکٹرانک ووٹنگ پر اصرار کر رہے ہیں۔ نیر بخآری نے کہا کہ بجلی کی لوڈ شیڈنگ اور سائینسی سہولیات کی عدم دستیابی کی وجہ سے ملک کے کئے علاقوں میں ای وی ایم کا استعمال ممکن ہی نہیں۔ سیکرٹری جنرل پیپلز پارٹی نے نیر بخاری نے سوال اٹھایا ہے کہ  جس ملک میں خواندگی کی شرح کم وہاں ناخواندہ لوگ مشین کا استعمال کیسے کریں گے ۔ نیر بخآری نے کہا ہے کہ پیپلزپارٹی ای وی ایم سے متعلق شدید تحفظات اور خدشات  کا اظہار کرتی ہے۔

سری لنکا کے فرار سابق صدر سنگاپور کے بعد تھائی لینڈ جانے کیلئے کوشاں