محکمہ موسمیات کے مطابق پنجاب کے میدانی علاقوں، پشاور اور سکھر ڈویژن میں رات اور صبح کے وقت دھند چھائے رہنے کا امکان ہے۔
محکمہ موسمیات کا کہنا ہے کہ آئندہ چوبیس گھنٹوں کے دوران ملک کے بیشتر علاقوں میں موسم خشک رہے گا تاہم گلگت بلتستان میں چند ایک مقامات پر ہلکی بارش اور پہاڑوں پر ہلکی برفباری کا بھی امکان ہے۔ گزشتہ چوبیس گھنٹوں کے دوران ملک کے بیشتر علاقوں میں موسم خشک رہا تاہم پٹن میں دو ملی میٹر بارش ریکارڈ کی گئی۔ گزشتہ روز ملک میں سب سے زیادہ گرمی گوادر میں پڑی جہاں درجہ حرارت چونتیس ڈگری سینٹی گریڈ ریکارڈ کیا گیا جبکہ آج ملک میں سب سے کم درجہ حرارت سکردو میں منفی چھ ڈگری سینٹی گریڈ ریکارڈ کیا گیا۔ اس کے علاوہ ملتان بارہ، لاہور اور پشاور میں گیارہ، اسلام آباد سات، مظفرآباد چھ، مری میں صفر، کوئٹہ منفی ایک، کراچی انیس، حیدرآباد میں سترہ، اور گلگت میں چار ڈگری سینٹی گریڈ ریکارڈ کیا گیا۔
