ملک بھرمیں پی آئی اے کا حج آپریشن آج سے شروع ہوگا، پہلی حج پروازسہہ پہرساڑھے تین بجے پشاورسے جدہ روانہ ہوگی۔
پی آئی اے ترجمان کے مطابق پشاورکے بعد دوسری حج پروازاسلام آباد سے آج شام چھ بجے جدہ کے لیے روانہ کی جائے گی جبکہ لاہورسے پہلی حج پروازپی کے ٹو فور زیرو ون کل صبح سات بجے روانہ ہوگی۔ پی آئی اے ترجمان کے مطابق حج آپریشن بیس اکتوبرتک جاری رہے گا جبکہ غیرمعمولی حالات یاخراب موسم کے باعث پروازوں میں تاخیرکی صورت میں مسافروں کوقبل ازوقت آگاہ کیا جائے گا۔ ترجمان کا کہنا ہے کہ پی آئی اے نے پچانوے ہزارعازمین حج کوسعودی عرب پہنچانے کے انتظامات مکمل کرلیے ہیں۔
