پشاورمیں بڈھ بیرائیرفورس کیمپ پر دہشتگرد حملے میں شہید ہونے والے پاک فوج کے سپاہی محمد صہیب عباسی کی نماز جنازہ راولپنڈی کے علاقے ڈھوک للیال میں ادا کی گئی ۔ پاک فوج کے بگلرز نے ماتمی دھن بجائی ، شہید کو پاک فوج کے دستے نے سلامی دی ۔ پنڈی گھیپ میں شہید محمد آصف کی نمازجنازہ ادا کی گئی اورمقامی قبرستان میں سپرد خاک کیا گیا۔ شہید پیش امام مولوی فضل امین کی نماز جنازہ مردان میں آبائی علاقے مایار میں ادا کی گئی ۔ ایئر فورس کے شہید اہلکار اسرار اللہ کو گڑھی کپورہ مردان میں پورے فوجی اعزاز کے ساتھ سپرد خاک کر دیا گیا ۔ قومی پرچم میں لپٹےشہید کےتابوت کوفضائیہ کے دستے نے سلامی دی ۔ شہید جونیئر ٹیکنیشن شان شوکت کی نماز جنازہ فیصل آباد میں ادا کی گئی ۔ شہید شان شوکت کو فضائیہ کے دستے نے پورے فوجی اعزاز اور شان و شوکت کے ساتھ سلامی دی ۔ نماز جنازہ کی ادائیگی کے بعد شہید کومقامی قبرستان میں سپرد خاک کردیا گیا۔ سویلین کلرک جاوید نوازکی نمازجنازہ شورکوٹ میں ادا کی گئی۔میانوالی کے گاؤں موچھ میں جونئیرٹیکنیشن شہید طارق عباس جبکہ دندی شریف میں پاک فضائیہ کےکارپوریٹ ٹیکنیشن عامر شہزاد کی نمازجنازہ پڑھائی گئی۔ دونوں کوآبائی علاقوں میں سپردخاک کردیا گیا۔

سرکاری ملازمین کے جی پی فنڈ سے متعلق اہم خبر

شہداء کےنمازجنازہ میں پاک فضائیہ اورپاک فوج کے افسران اورلوگوں کی بڑی تعداد شریک ہوئی۔