مودی میں ہمت ہے تو سرینگر میں جلسہ کر کے دکھائے: عثمان بزدار
وزیراعلیٰ پنجاب سردار عثمان بزدارنے کہاہے کہ مقبوضہ کشمیر میں رواں صدی کا بدترین انسانی المیہ رونما ہونے کا خدشہ ہے لیکن بھارتی حکومت بدستورہٹ دھرمی کی روش پر گامزن ہےـ خوراک ، ادویات اور دیگر ضروریات کی کمی سے انسان مر رہے ہیں اور بی جے پی حکومت کی توجہ صرف گائو رکشا پر ہےـوزیراعلیٰ نے ایک بیان میں کہاکہ کشمیر یو ں سے جینے کا حق نہ چھینا جائےـبھارت مقبوضہ کشمیر میں کرفیو ختم کر کے بے گناہ شہریوں کو رہاکرے اور مواصلاتی پابندیاں فوری طورپر ختم کرےـ انہوں نے کہاکہ کشمیریوں کو مستقبل کا فیصلہ خود کرنے دیا جائےـبھارت اقوام متحدہ کی قراردادوں کے مطابق کشمیروں کو استصواب رائے کا حق دینے کا پابند ہےـوزیراعلیٰ نے کہاکہ نریندرمودی میں ہمت ہے تو مظفر آباد میں وزیراعظم عمران خا ن کے جلسہ عام کی طرح سرینگر میں جلسہ عام کر کے دکھائےـوزیراعظم عمران خان نے مظفر آباد میں جلسہ کر کے پوری دنیا کو پیغام دے دیا کہ پاکستان ہر طرح سے کشمیریوں کے ساتھ ہے او رکسی بھی صورت میں انہیں تنہا نہیں چھوڑے گاـانہوں نے کہاکہ نریندر مودی نے اپنے ملک میں انتہاء پسندی کے جو بیج بوئے ہیں،بھارت کی آئندہ نسلوں کو اس کا پھل کاٹنا پڑے گاـ
