کوئٹہ جائنٹ روڈ پر پاسپورٹ آفس کے گیٹ پر نامعلوم مسلح افراد کی فائرنگ، ایک شخص جاں بحق اور دو زخمی، جوابی کارروائی میں ایک حملہ آور بھی ماراگیا۔
کوئٹہ کے علاقے جائنٹ روڈ پر واقع پاسپورٹ آفس کے گیٹ پرفائرنگ کرنے والے دو افراد موٹرسائکل پرسوارتھے۔ ڈی آئی جی آپریشنز حامد شکیل کے مطابق نامعلوم حملہ آوروں نے خودکارہتھیاروں سے فائرنگ کی جس کے نتیجے میں ایک شخص موقع پرجاں بحق اوردو زخمی ہوگئے۔ فرارہوتے ملزمان پر پولیس کی جوابی کارروائی میں ایک حملہ آور بھی ہلاک ہوگیا جبکہ دوسرا فرارہونے میں کامیاب ہوگیا۔ پولیس نے واقعہ کی تحقیقات شروع کردی ہیں۔