پاک ترک مشترکہ فوجی مشقیں اختتام پذیر: ترکی کی خصوصی فورسز اور پاکستان کی ایس ایس جی نے حصہ لیا
<->
راولپنڈی: تربیلا میں پاکستان ترکی مشترکہ فوجی مشق کی اختتامی تقریب ہوئی۔ ترک اسپیشل فورسز اور پاکستان کے اسپیشل سروسز گروپ نے مشقوں میں حصہ لیا۔ مشترکہ مشقوں میں کارڈن اور سرچ آپریشن بھی شامل تھے۔آئی ایس پی آرکی طرف سے جاری کردہ بیان کے مطابق تربیلا میں پاکستان اور ترکی افواج کی مشقیں اختتام پذیر ہو گئی ہیں۔مشقوں میں ترکی کی خصوصی فورسز اور پاکستان کی ایس ایس جی نے حصہ لیا۔آئی ایس پی آر کے مطابق مشقوں میں انسداد دہشتگردی آپریشنز خصوصی اہمیت کے حامل تھے، مشقوں میں کارڈن اور سرچ آپریشن بھی شامل تھے۔ دونوں ممالک کی سپیشل فورسز نے آبادی والے علاقوں کی کلئیرنس کی مشقیں کیں۔
