پاکستان میں فضائی سفر کرنے والے مسافروں کے لئے نیا حکم نامہ جاری
سول ایوی ایشن اتھارٹی نے اندرون ملک فضائی سفر کرنے والے مسافروں کے لیے نیا حکمنامہ جاری کردیا ہے۔ وفاقی حکومت کی ہدایت پر اندرون ملک سفر کرنے والے تمام مسافروں کے لیے لازمی قرار دیا گیا ہے کہ ان کے ٹکٹس پر شناختی کارڈ نمبر درج ہوں۔ سی اے اے کی جانب سے اعلان کردہ پابندی کا اطلاق 18 سال سے کم عمر مسافروں پر نہیں ہو گا۔ سی اے اے کی جانب سے تمام ایئر لائنز کو اس ضمن میں ہدایات بھی جاری کردی گئی ہیں۔ سی سی اے کا کہنا ہے کہ وفاقی حکومت کی ہدایت پر جاری کردہ حکمنامے پر عمل درآمد فوری طور پر کیا جائے گا۔ سی اے اے کی جانب سے ملنے والی ہدایات کے پیش نظر تمام ایئر لائنز اپنے آن لائن ٹکٹ اجرا کے سسٹم میں ضروری تبدیلیاں کر رہی ہیں۔
