میکسویل نے تاریخ رقم کردی۔
آسٹریلیا کے جارح کھلاڑی گلین میکسویل نے آسٹریلین ٹی ٹوئنٹی لیگ بگ بیش میں نیا ریکارڈ قائم کردیا۔ تفصیلات کے مطابق گزشتہ روز کھیلے گئے میچ میں گلین میکسویل نے لیگ کی سب سے بڑی انفرادی اننگز کھیلنے کا اعزاز حاصل کرلیا ۔ میلبورن اسٹارز کے کپتان گلین میکسویل نے ہوبارٹ ہیریکنز کے خلاف 64 گیندوں پر 154 رنز کی شاندار اننگز کھیلی تھی، ان کی اننگز میں 22 چوکے اور 4 چھکے شامل تھے۔
Maxwell Masterclass ????????
A record-breaking 154* off 64 balls, reaching his century off just 41 balls.
The second-fastest in the history of the @bbl. #TeamGreen pic.twitter.com/JQPe3XrUUF
— Melbourne Stars (@StarsBBL) January 20, 2022
گلین میکسویل نے بگ بیش کی سب سے بڑی انفرادی اننگز کھیل کر اپنی ہی ٹیم کے کھلاڑی مارکس اسٹوئنس کا ریکارڈ توڑ ا ہے ، جنہوں نے 147 رنز بنائے تھے۔ گزشتہ روز کھیلے گئے میچ میں میلبرن اسٹارز نے مقررہ 20 اوورز میں 2 وکٹوں کے نقصان پر 273 رنز بنائے تھے جو بگ بیش میں کسی بھی ٹیم کا سب سے بڑا مجموعی اسکور ہے۔ واضح رہے کہ میلبرن اسٹارز کی ٹیم ہوبارٹ ہیریکنز کو 106 رنز سے شکست دینے کے باجود بھی پلے آف کے لیے کوالیفائی نہیں کرسکی۔
