ایران نے آبنائے ہرمز میں امریکی بحری  بیڑے یو ایس ایس باکسر کی ڈرون سے بنائی گئی ویڈیو جاری کردی  ۔ایران کا کہنا ہے کہ ایرانی ڈرون نے آبنائے ہرمز میں امریکی بحری بیڑے یو ایس ایس باکسر کی ویڈیو بنائی اور کامیابی سے واپس لوٹ آیا ۔ایران نے کہا کہ آبنائے ہرمزاور خلیج فارس میں غیرملکی فورسز بالخصوص امریکا،برطانیہ جیسی دہشتگرد فورسز کی نقل وحرکت مانیٹر کرنے کاسلسلہ جاری رکھاجائیگا۔دوسری جانب امریکا نے ایک بار پھر کہا کہ ایرانی ڈرون مار گرایاگیا  ، اس میں کوئی شک نہیں ہے۔واضح رہے امریکی صدر ڈونلڈ ٹرمپ نے آبنائے ہرمز میں ایرانی ڈرون مار گرانے کا دعوی کیا تھا تاہم ایرانی وزیر خارجہ جواد ظریف نے اس بات کی تردید کرتے ہوئے کہا تھاکہ ایران کے پاس ڈرون گرائے جانے کی کوئی اطلاع نہیں .