آئندہ چوبیس گھنٹوں کے دوران ملک کے بیشتر علاقوں میں موسم گرم اور مرطوب رہے گا تاہم گوجرانوالہ، لاہور ، سرگودھا، راولپنڈی، مالاکنڈ، ہزارہ، پشاور، مردان، کوہاٹ، ڈی آئی خان، ڈی جی خان ڈویژن، اسلام آباد، فاٹا، کشمیر اور گلگت بلتستان میں بعض مقامات پر تیز ہواؤں، آندھی اور گرج چمک کے ساتھ بارش کی بھی توقع ہے. گزشتہ روز پشاور کا پارہ چالیس ڈگری سینٹی گریڈ تک پہنچ گیا، اسلام آباد، لاہور اور کوئٹہ میں درجہ حرارت انتالیس ڈگری سینٹی گریڈ، چترال سینتیس، گلگت چھتیس، کراچی پینتیس جبکہ ہنزہ میں اکتیس ڈگری سینٹی گریڈ ریکارڈ کیا گیا.
محکمہ موسمیات کا کہنا ہے کہ گزشتہ چوبیس گھنٹوں کے دوران بھی ملک کے بیشتر علاقوں میں موسم گرم اور خشک رہا تاہم کشمیر اور فاٹا میں بعض مقامات پر گرج چمک کے ساتھ بارش بھی ہوئی. سب سے زیادہ بارش پاراچنار میں تیس ملی میٹر جبکہ گڑھی دوپٹہ میں پانچ ملی میٹر ریکارڈ کی گئی. گزشتہ روز سبی ملک کا گرم ترین مقام رہا جہاں درجہ حرارت اڑتالیس ڈگری سینٹی گریڈ تک جا پہنچا جبکہ سکھر، جیکب آباد اور رحیم یارخان میں سینتالیس ڈگری سینٹی گریڈ ریکارڈ کیا گیا ۔

چین سے آئے جیانگ سو پولیس افسران کے وفد نے پنجاب سیف سٹیز اتھارٹی کا دوہ کیا

محکمہ موسمیات نے رواں ہفتے ملک کے مختلف علاقوں میں مزید پری مون سون بارشوں کی پیشگوئی کردی ہے.