کوئٹہ : اپوزیشن کے 17ارکان اسمبلی کے خلاف مقدمہ درج
مقدمے میں کارسرکار میں مداخلت ، کورونا ایس اوپیز کی خلاف ورزی اور پولیس اہلکاروں پر حملے کی دفعات شامل کی گئی ہیں ۔ مقدمے کے متن میں کہا گیا ہے کہ جمعہ کو بجٹ اجلاس کے موقع پر اپوزیشن اراکین نے اپنے حامیوں کے ساتھ اسمبلی گیٹ زبردستی بند کروائے ۔ پولیس اہلکاروں کے ساتھ دھکم پیل کی ، حملے کیے ،اہلکاروں کی وردیاں پھاڑدیں جس میں پانچ پولیس اہلکار زخمی ہوئے ۔