اللہ نے بڑی ذمہ داری سے نوازا ہے۔ میں عدالت کے حکم کا تابع ہوں :- وزیراعظم شہبازشریف
وزیراعظم شہبازشریف نے کہا کہ مجھےاللہ نے بڑی ذمہ داری سے نوازا ہے۔ میں عدالت کے حکم کا تابع ہوں۔
انھوں نےعدالت سے کہا کہ بچوں کی شوگرمل کے باہر تعمیر کروایا اوریہ مقامی ایم پی اے کی درخواست پرنالہ بنا۔ اس طرح کے کروڑوں روپے کے نالے میں نے پورے پنجاب میں بنوائے۔وزیراعظم نے کہا کہ ہمارے پاس ایک نہیں سیکٹروں درخواستیں آتی ہیں۔ کابینہ کی منظوری کے بغیر ہم کسی پروجیکٹ میں فنڈز نہیں لگاتے۔شہبازشریف نے فاضل جج کو ترقیاتی کاموں پر مبنی کتابچہ دیتے ہوئے کہا کہ میرے ترقیاتی کاموں کے حقائق آپ کے سامنے ہیں۔ میں نے 15 یا 18 کروڑوں کی کرپشن کرنی ہوتی تو یہ کام نہ کرتا۔نیب کے پراسیکیوٹر نے عدالت سے شکوہ کیا کہ میرے پاس یہ کتابچہ نہیں ہے جس پر وزیراعظم نے پراسیکیوٹر کو جواب دیا کہ بھائی آپ بھی لے لواور پڑھ بھی لو۔انھوں نے کہا کہ 2014,15 میں ایک صوبے نے گنے کی قیمتیں کم کردی۔ مجھے قیمتیں کم کرنے کا کہا گیا مگر میں نے گنے کی قیمتیں کم نہیں کی۔ چیف سیکریٹری پنجاب نے سمری دی کہ اس سال چینی کی پیداوارمیں اضافہ ہوا ہے۔ چینی بیرون ملک برآمد کی جائے۔فاضل جج نے وزیراعظم سے استفسار کیا کہ لگتا ہے آپ نے یہ کتابچہ مجھ سے سارا آج ہی پڑھا لینا ہے جس پر شہباز شریف نے جواب دیا کہ ایسا نہیں میں صرف دو منٹ میں دلائل مکمل کررہا ہوں۔ گنے کے ایتھنول پرمیں نے ٹیکس لگایا۔
