بلوچستان: ٹرانزٹ پوائنٹس پر انسداد پولیومہم بند کردی گئی

کورونا وائرس کے خطرے کے پیش نظر بلوچستان میں ٹرانزٹ پوائنٹس پر انسداد پولیو مہم بندکردی گئی جبکہ صوبے کے 20اضلاع میں انسداد پولیو مہم اختتام پذیر ہوگئی ۔محکمہ صحت کے مطابق بلوچستان میں 37 ٹرانزٹ پوائنٹس پر پولیو سے بچاو کی ویکسینیشن کی جارہی تھی،جن میں ہوائی اور بس اڈے سمیت ریلوے اسٹیشن شامل تھے۔ٹرانزٹ پوائنٹس میں ایران، افغانستان اور دیگر صوبوں کے ساتھ مختلف سرحدی مقامات بھی شامل ہیں۔دوسری جانب بلوچستان میں ایمرجنسی آپریشن سینٹر (ای او سی) نے کہا کہ صوبے کے 20اضلاع میں جاری انسداد پولیو مہم اختتام پذیر ہوگئی ۔ای اوسی کے مطابق انسداد پولیو کی 4روزہ مہم کے دوران ویکسینیشن کا 94 فیصد ہدف حاصل کرلیا گیا ، مہم کے دوران 12لاکھ سے زائد بچوں کو پولیو سے بچائو کی ویکسینیشن کا ہدف مقرر کیا گیا تھا۔