بلوچستان اور سندھ میں بارشوں سے جانی نقصان پر دل افسردہ ہے۔شیری رحمان
وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ گزشتہ چند دنوں سے جاری بارشوں کے باعث بلوچستان میں 10 افراد جاں بحق جبکہ سندھ میں بارشوں اور ژالہ باری سے گندم کی تیار فصل کو شدید نقصان ہوا ہے۔بلوچستان اور سندھ میں بارشوں کی وجہ سے انسانی جانوں اور کھڑی فصل کو نقصانات پر دل افسردہ ہے۔متاثرہ لوگوں اور کسانوں سے دلی ہمدردی ہے۔ان خیالات کااظہار شیری رحمان نے سوموار کے روزٹوئٹر پر جاری اپنے بیان میں کیا۔ شیری رحمان کا کہنا تھا کہ ہم ابھی گذشتہ سال کی بارشوں اور سیلاب کی تباہ کاریوں سے نہیں نکلے۔ بلوچستان اور سندھ میں ابھی سیلاب متاثرین کی بحالی اور تعمیر نو کا سلسلہ جاری ہے۔ ایک طرف بلوچستان میں سندھ میں ایک بار پھر بارشوں نے تباہی مچا دی ہے دوسری طرف ایک شخص کا سیاسی تماشہ ختم ہی نہیں ہو رہا۔شیری رحمان کا کہنا تھا کہ سب سے گزارش ہے کہ اس سیاسی تماشے میں بلوچستان اور سندھ میں ہونے والی بارشوں سے پیدا ہونے والے نقصانات پر توجہ دیں۔ متاثرہ لوگوں کی زندگیاں اور کسانوں کو درپیش مسائل ایک شخص کے سیاسی تماشے سے زیادہ اہم ہیں۔ یہ وہ لوگ ہیں جنہوں نے سیلاب کے وقت بھی "عمران بچائو" جلسے کئے تھے۔
